VÎDEO | 2 welatiyên Afgan ên ji bo birevin xwe bi balafirê daliqandin bi ser xaniyan de ketin

PeyamaKurd – Li Kabul a paytexta Afganistanê ku piştî serweriya Talîbanê li seranserê welat reva welatiyan dest pê kiriye, 2 welatiyên nekarîn di balafirê de cih bibînin xwe bi perikên balafirê ve daliqandin,

Piştî rabûna balafirê jî her du kes ji asman ve bi ser xaniyên derdorê de ketin û mirin.

Hejmarek zêde ya welatiyên Afgan piştî ku doh 15ê Tebaxê Talîbanê Kabul kontrol kir, bi rêya Balafirgeha Navdewletî ya Kabulê dest bi revê kirine û li nav balafirxaneyê jî geremol û alozî çêbûye ku gelek kes mirine.

Herwiha li gorî dîmenên medya cîhanî 2 Afganên xwe bi balafira rêwiyan ve daliqandibûn dema rabûna balafirê bi ser xaniyên derdorê de ketine û bi awayekî xedar can dane.

Li aliyê din Talîbanê jî li pêş balafirxaneyê ragihandiye ku ew dê êdî destûrê nedin firînan.