Wezîrê Iraqê: Em ê bi Tehranê re têkiliyên bazirganî bidomînin

PeyamaKurd - Wezîrê Derve yê Iraqê Muhammed Elî Hekîm diyar kir ku dorpêçên ku Amerîka li dijî Îranê sepandine, Bexdayê eleqedar nakin û got, ew dê têkiliyên xwe yên bazirganî bi Tehranê re berdewam bikin.

Serokwezîrê Iraqê Adil Ebdulmehdî jî beriya niha ragihandibû ku ew dê dorpêçên ser Îranê bicih neyînin û li dijî biryarên yekalî yên Amerîkayê rawestin.

Rêveberiya Amerîkayê 8ê Gulana 2018an ji Peymana Nukleerî ya ligel Îranê vekişiyabû û piştre jî biryara dorpêçên giran ên aborî li ser Îranê wergirtibû ku Amerîka rejîma Îranê wekî fînansorê terorê li Rojhilata Navîn û cîhanê tawanbar dike.