Wî welatî, 40 dîplomat û xebatkarên Rus dersînor kirin

PeyamaKurd- Li gorî agahiyên hatin ragihandin, Romanya 40 dîplomat û xebatkarên balyozxaneya Rusyayê dersînor dike.

Hat diyarkirin ku kêmkirina karmendên Balyozxaneya Rusyayê ya ji nîvî zêdetir, piştî êrîşa Sibata 2022yan a ser Ukraynayê û derxistina 11 dîplomatên Rusî tê.

Li gorî hat ragihandin, Romanyaya ku ji ber şerê Ukraynayê têkiliyên wê yên bi Rusyayê re xerab bûbûn, 40 dîplomat û xebatkarên balyozxaneyê yên Rusyayê dersînor kirin.

Hat zanîn ku karmend û malbatên wan bi balafireke taybet a ku ji aliyê rayedarên Rusyayê ve hatibû organîzekirin ji Bukreşê derketin.

Romanya, dewleteke komunîst bû heya ku Nicolae Caausescu di sala 1989an de di şoreşekê de hat hilweşandin, lê tu carî nebû beşek ji Yekîtiya Sovyetê, ku heman salê hilweşiya.