Artêsa Tirk li 3 bajarên Bakur operasyon da destpêkirin

PeyamaKurd - Artêşa Tirkiyê bi beşdariya zêdetirî hezar leşkeran, li gundewar û çiyayên bajarê Bakurê Kurdistanê yên Diyarbekir, Mûş û Çewligî dest bi operasyoneke berfireh li dijî PKKê kir.

Wezareta Navxwe ye Tirkiyê ragihandiye ku li Diyabekir, Mûş û Çewlîgê bi beşdariya 1022 leşkeran 'Operasyona Yilldirim-9, Zozana Şênê' hat destpêkirin.

Di operasyonê de Fermandariyên Cendermeyên bajarên Mûş, Çewlîgê û Diyarbekirê yên Hêza Taybet a Cenderme JOH, Polîsê Taybet ê Ewlekariyê POH û cerdevan beşdar in.

Li gorî daxuyaniya wezaretê, di encama operasyonên Yildirim (1-2-3-4-5-6-7-8) de heta niha 38 endamên PKKê hatine bêbandorkirin, 22 alîgir hatin girtin, 80 şikeft, stargeh û depo hatin jinavbirin, gelek alavên jiyanê û herwiha çek û teqemenî hatine bidestxistin.

Beriya niha bi demekê Wezîrê Navxwe yê Tirkiyê Suleyman Soylu îdia kiribû ku tenê li dor 400 PKKyan li nav sînoran mane.