Çekya: “Ji bo hevkariya Kurdistanê em amade ne!”

PeyamaKurd- Serokwezîrê Kurdistanê Nêçîrvan Barzanî Konsolê Çekyayê yê nû Mikhael Svoboda li meqamê xwe ezimand. Di hevdîtinê de geşedanên li herêmê û li Iraqê û pêwendiyên her du aliyan hatin axaftin.

Di derbarê hevdîtinê de hikûmeta Kurdistanê daxuyaniyek da û got em bi Konsolê Çekyayê yê nû Mikhael Svoboda re li ser girîngiya pêwendiyên her du aliyan sekinîn.

Mikhael Svoboda jî hevkarî û alîkariyên Çekyayê yên ji bo Kurdistanê bi bîr xistin û got ku Zanîngeha Çekyayê ya Teknîkî ya ku li Hewlêrê hatiye vekirin, ji bo xebatên zanistî gaveke girîng e.

Barzanî jî ji bo Svoboda serkeftin xwest û got ku di hemî qadan de em alîkariya xwe ji we kêm nakin.

Barzanî anî zimên ku bi Çekyayê re dixwazin pêwendiyên zanistî û qadên cuda jî bi pêş ve bibin.