Dadgeha Cezayê ya Navnetewî biryara desteserkirina Pûtîn derxist

PeyamaKurd – Dadgeha Cezayê ya Navnetewî bi sedema ku tawana şer kiriye, ji bo Serokê Rûsyayê Vladimîr Pûtîn biryara desteserkirin û dadgehkirinê derxist.

Ajansa Reutersê ragihand ku Dadgeha Cezayê Navneteweyî (DCN), bi îdiaya tawanên şer ên li Ukraynayê û berpirsiya wî di wan tawanan de, biryara girtina Pûtîn derxistiye.

Di biryara DCNyê ya desteserkirina Pûtîn de, bang tê kirin ku Pûtîn ji ber berpirsiya xwe ya dersînorkirina zarokan û bi awayekî neyasayî veguhestina wan bo Federasyona Rûsyayê were girtin.

Wezareta Derve ya Rûsyayê biryara DCNyê red kir ku tawanên şer li Ukraynayê hatine kirin û diyar kir, ew wê biryarê nas nakin.

Herwiha Serokomariya Ukraynayê jî li ser biryara Dadgeha Cezayê ragihand ku ev biryar tenê destpêk e.