Di navbera Wan û Îranê de veguhestina bazirganî dest pê kir

PeyamaKurd - Serokê Jûra Bazirganî û Pîşesaziyê ya Wanê (Van TSO) Necdet Takva ragihand ku li Deriyê Sînorî yê Kapıkoyê yê navçeya Miksê ya Wanê, derbasbûna barhilgiran a di navbera Tirkiye û Îranê de wekî dualî dest pê kiriye.

Berê tenê TIRên îranî derbasî herêmê dibûn, lê niha li gorî agahdariya ku ji Walîtiya Eyaleta Azerbaycana Rojava ya Îranê hatiye dayîn, TIRên tirk jî dikarin bi awayekî çalak derbasî Îranê bibin.

Necdet Takva diyar kir ku ev pêngav encama hevdîtinên wan ên bi muxatabên îranî re ye û pergala ku heta niha yekalî dimeşiya, êdî veguheriye derbasbûna dualî ya navneteweyî.

Takva ev pêşketina girîng ji bo bajêr, herêm û welêt pîroz kir û got ku ev rewş dê bandoreke erênî li ser çalakiyên bazirganî bike.