Franklin Graham: Ez dixwazim spasiyên xwe yên kûr bigihînim Serokwezîr Mesrûr Barzanî
PeyamaKurd – Serokê rêxistina Samaritan's Purse û saziya Billy Graham, Franklin Graham bi peyameke li ser Twitterê, ji bo hevkariya Kirîstiyanan û pêkhateyên din, spasiya Serokwezîrê Herêma Kurdistanê Mesrûr Barzanî dike.
Serokwezîrê Herêma Kurdistanê Mesrûr Barzanî, do serdana nahiya Enkawa ya Kirîstiyanî ya ser bi Hewlêrê kir û da zanîn, Wezîrê Navxwe, Parêzgar û Encûmena Parêzgeha Hewlêrê radispêrin, ji bo Enkawa bibe qeza (navçe).
Franklin Graham li ser Twittera xwe nivîsî: “Ez dixwazim spasiyên xwe yên kûr bigihînim Serokwezîr Mesrûr Barzanî ji bo vê biryarê û alîkariya Kiristiyanan û pêkhateyên din.”
Serokê rêxistina Samaritan's Purse û saziya Billy Graham, hêvî xwest ku Serokwezîr û gelê Kurd bên parastin û têkoşîna xwe ya ji bo azadiyê bidomînin. <
>I would like to extend my deepest appreciation to Prime Minister @Masrour_Barzani for taking this action to help Christians and other groups. My prayer is that God will bless him and the Kurdish people as they continue their struggle for freedom. https://t.co/BR7SA68eDb
— Franklin Graham (@Franklin_Graham) October 5, 2021