Hesen Ke'bî: Divê rewsa Sengalê were asayîkirin

PeyamaKurd – Li ser rewşa Şengalê, Cîgirê Serokê Parlamentoya Iraqê Hesen Ke'bî axivî û dixwaze rewşa Şengalê were asayîkirin û avakirina deverê destpê bike.

Hesen Ke'bî pêşwazî li şandeke Kurdên Êzîdî yên navçeya Şengalê kir û daxwaz kir, Şengal ji nakokiyên siyasî were dûrxistin û Fermandarê Giştî yê Hêzên Çekdarî yên Iraqê, rasterast serperiştiya dosyeya wê deverê bike.

Herwiha Ke'bî daxwaz kir, rewşa Şengalê were asayîkirin û dest bi avakirina navçeyê were kirin.

Ev di demekê de ye ku ji bo asayîkirina rewşa Şengalê, rêkeftin di navbera Hikûmeta Herêma Kurdistanê û Hikûmeta Iraqê hatiye îmzekirin, lê heta niha jî Hikûmeta Iraqê ev rêkeftin cîbicî nekiriye.