Hêvî Heyaf ji Tevgera Goran kisiya

PeyamaKurd - Endama Encumena Parêzgeha Hewlêrê ya Tevgera Goran Hêvî Heyaf xwe ji Tevgera Goran vekişand û got ku ti pêwendiya wê bi wê tevgerê re nemaye.

Endama Encûmena Parêzgeha Hewlêrê ya Tevgera Goran Hêvî Heyaf daxuyaniyek belav kir û ragihand ku wê dev ji karê xwe yê di nav tevgera Gorranê de berdaye.

Hêvî Heyaf ragihand: "Ez Hêvî Heyaf Bekir im, berpirsa berê ya Tevgera Goran û endama Encûmena Parêzgeha Hewlêrê ya Tevgera Goran, ji vê kêlîkê pê ve, tu pêwendiya min bi Tevgera Goran re nema ye."

Herwiha wê berpirsa Goran nivîsiye: "Ez ne amade me bibim sûtemenî di nav wan baskên ku di nav Goran de çêbûne, berî niha jî min Kordînatorê Giştî û gellek berpirs haydar kir, ku ha ji vê rewşê hebin û min kar ji bo biserxistina Tevgera Goran kir, lê piştî mirina rewanşad Newşîrwan Mistefa, Tevgera Goran ji rêbaza wê hat dûrxistin û ti dijatiyek nema û li beramberî min nehat kirin."

 Hêvî Heyaf behsa wê yekê jî kiriye, ku ewê di rojên dahatî de, daxuyaniyeke din belav bike.