Hêzên rêjîma Îranê 2 kolberên din birîndar kirin

 PeyamaKurd – Hêzên rêjîma Îranê, li herêmên sînor ên Bane û Şinoyê Rojhilatê Kurdistanê, 2 kolberên din bi guleyan birîndar kirin. 

Ajansa Kolber News diyar kir, do Pêncşemê leşkerên rêjîma Îranê bi guleyan êrîşî komek kolber li herêma Şino kir û tê de, kolberê bi navê Ferşad Xidir Zade ê ji xelkê Şino ye birîndar bû.

Herwiha li gorî heman çavkaniyê, li herêma Baneyê jî, di êrîşa heman hêzê de, kolberê bi navê Zahîr Xidir Zade birîndar bû.