Hêzên Rûsya û Tirkiyê li Dirbêsiyê dewriyeya 14an gerandin

PeyamaKurd – Hat ragihandin ku îro di çarçoveya rêkeftina Rûsya-Tirkiyê de, hêzên Rûsî û Tirkî 14emîn gerên xwe yên çavdêriya hevbeş li Rojavayê Kurdistanê pêk anîn.

Hat zanîn ku îro hêzên polîsên leşkerî yên Rûsyayê û hêzên Tirkiyê gereke çavderiyê ya hevbeş li gundên Dêrbêsiyê pêk anîn ku di wê gera çavdêriyê de helîkopterên rûsî ji aliyê esmanî ve çavdêrîya wê dewriyeyê kirin.

Hêzên Rûsya û Tirkiyê di çarçoveya rêkeftina Soçî ya 22yê Cotmehê de, gerên hevbeş pêk tînin ku beriya niha leşkerên Tirkiyê rastî protestoyên xelkê Rojavayê Kurdistanê hatibûn.