Hikûmeta Kurdistanê bi nameyeke fermî Îran protesto kir

PeyamaKurd - Fermangeha Peywendiyên Derve ya Hikûmeta Herêma Kurdistanê bi fermî nerazîbûn û nîgeraniya xwe gihand Konsulxaneya Giştî ya Komara Îslamî ya Îranê ya Hewlêrê.

Fermangeha Peywendiyên Derve ya Hikûmeta Herêma Kurdistanê îro 7ê Nîsanê ragihand ku, nameyeke fermî ya nerazîbûn û nîgeraniyê radestî Konsulxaneya Giştî ya Komara Îslamî ya Îranê ya Hewlêrê hatiye kirin.

Gef li gel û statuya Kurdistanê xwaribûn

Hikûmeta Herêma Kurdistanê piştî daxuyanî û gefên Konsulê Giştî yê Komara Îslamî ya Îranê ya Silêmaniyê ku li xelk û statuya destûrî û siyasî ya Herêma Kurdistanê xwaribû, ev nameya fermî ya protestoyê gihand konsulxaneya Hewlêrê.