HSDê 3 Encûmenên Leskerî ava kirin: Armanc yekxistina tevahiya hêzên deverê ye

PeyamaKurd - Hêzên Sûriyeya Demokrat (HSD)  bo cara yekem ji bo bajarê Tebqa, Qamişlo û ji bo devera Holê Encûmeneke Serbazî ava kir.

Duhî (19.06.2019) bi beşdariya fermandarên leşkerî û ewlehî, rûspiyên êl û eşîrên herêmê, Rêveberiya Sivîl a Demokratîk a Tebqayê, Meclisa Malbatên Şehîdan û fermandarên Koalîsyona Navdewletî, HSDê Encûmena Encûmena Leşkerî ya Tebqayê ava kir.

Li bajarê Qamişlo jî, merasîmek bi amadebûna malbatên şehîdan, nûnerên Rêveberiya Xweser û bi dehan şêniyên bajarê Qamişlo, HSDê Encûmena Leşkerî ya Qamişlo ragihand.

Herwiha li navçeya Til Birakê ji aliyê HSDê ve civînek hat lidarxistin. Di civînê de bi dehan fermandarê HSDê û rûpiyên Ereb ên navçeyên Hol, Til Hemîs û Til Birakê amade bûn û Encûmena Leşkerî ya Holê hat damezrandin.

Li gor berpirsên HSDê, armanc ji avakirina van encûmenan yekxistina tevahiya hêzên deverê û beşdarîkirina  serkirdeyên navxweyî di standina biryarê de ye.

Ev yek di demekê de ye, berî çend rojan Hêzên Sûriya Demokrat (HSD) Encûmena Leşkerî ya Girê Spî jî ava kiribû