ISÎD li xwe vedigere, li Kerkûkê dîsa êrîs kir!

PeyamaKurd- Çekdarên IŞÎDê duh li gundê Husêney yê navçeya Gulale ya girêdayî bi ser Diyalayê ve, êrîşî hêzên dewleta Iraqê kirin. Hêzên Iraqê jî bersiv dan û bi qasî 45 deqîqeyan şer dewam kir.

Hat ragihandin ku ji hêzên Iraqê hinek leşker hatin kuştin û birîndarkirin.

Ji xeynî vê IŞÎDê Li Kerkûkê li gundê Newafli jî êrîşî hêzên Haşdî Şebî kir. Di vî şerî de jî fermandarekî Haşdî Şebî hate kuştin û 5 çekdar jî hatin birîndarkirin.

Heta niha di derbarê êrîşan de erkdaran daxuyaniyek nedane.

IŞÎDê berî hilbijartinê, gelê Iraqê tehdîd kiribû û gotibû ku divê ti kes rayên xwe bi kar neîne.