Ji bo 3 bajarên bakur hisyariya bahozê

PeyamaKurd - Tê çaverêkirin ku li parêzgehên Bakurê Kurdistan Colemêrg, Şirnex û Wanê bahozeke ku jiyana welatiyan asteng bike çêbibe.

Saziya Keşnasiyê ya Tirkiyeyê bi ragihandineke nivîskî ji bo her sê parêzgehên bakurê Kurdistanê hişyariya bahozê da.

Ji aliyên pêwendidar û xelkê hat xwestin ku li hember bahoza ku tê çaverêkirin tedbîrên pêwîst werbigirin.

Saziya Keşnasiyê ragihand ku li derdora bajarê Colemêrgê, li rojhilatê Şirnexê û li başûrê Wanê bayekî zêde heye û li herêmên bilind bahoz radibe.

Li gorî daxuyaniyê, bahoz dê heta sibe demjimêrên evarî berdewam bike.

Ji ber ba û bahozê ji xelkê hatiye xwestin ku ji bo egera pirsgirêkên çûn û hatinê, bi jehrketina dûxana sobeyê, pûk û aşûtê tedbîrên pêwîst wergirin.

Şeva borî li ser rêya Wan û Colemêrgê aşût bi ser mînîbusa rêwiyan de hatibû û di encamê de kesekî canê xwe ji dest dabû û 12 kes jî birîndar bûbûn.