Ji YSKê biryara Sirnexê: Bandorê li encaman nake

PeyamaKurd – Saziya Bilind a Hilbijartinên Tirkiyê (YSK) li ser îtiraza HDPê ya derasayî ku xwestibû hilbijartin were betalkirin bi sedema ku leşker, cerdevan û karmend bo sindoqên hilbijartinê hatine veguhestin biryar da.

YSKê bi hinceta ku ne rewşeke giştî ye û bandorê li encamên hilbijartinan nake îtiraza HDPê red kir.

HDP jî ji aliyê xwe ve dibêje, bi deh hezaran dengdêr ji deverên din bo dengdanê hatine veguhestin û ev jî encamên hilbijartinê diguherîne û ew dê pêvajoya hiqûqê bişopînin.