Li Amedê barana gur jiyan sekinand : Sikak di bin avê de man

PeyamaKurd - Li parêzgeha Amedê barana gur a ku ji demjimêrên sibehê ve bi bandor e, li seraserê bajêr bû sedema lehiyê û jiyana rojane sekinand .

Ji ber rabûna avê li gelek deveran û xetên sereke yên bajêr karesat hatin jiyîn û xebatên çûnûhatinê gihîştin asta rawestînê.

Bi taybetî li ser riya Rihayê gelek rê ji ber kombûna avê hatin girtin û di demjimêrên destpêkirina kar de di veguhastinê de astengiyên mezin çêbûn.

Tîmên Şaredariya Bajarê Mezin a Amedê û Rêveberiya Herêmê ya Rêyên Parzemînî ji bo kêmkirina bandora neyînî ya vê barana li ser normallên demsalê dest bi xebatên berfireh kirine.

Tîmên Serokatiya Dairesa Agirujiyê jî li gorî agahiyên ji welatiyan gihîştine wan, sewqî cihên ku avê li wan daye hatin kirin û ji bo valakirina avê û çareserkirina mexduriyetan xebatên xwe berdewam dikin.