Li Meletiyê operasyon: 17 kes hatin binçavkirin

PeyamaKurd – Li bajarê Meletî yê bakurê Kurdistanê di encama operasyona polîsan a bi ser çend navnîşanan de 17 kesên ku lêgerîn li ser wan hebû hatin binçavkirin.

Navenda Miduriyeta Meletiyê ragihand ku tîmên polîsên dijî terorê û yên dijî qaçaxcîtiyê bi ser navnîşanên berê hatine tesbîtkirin de operasyonek encam dane û di encama wê operasyonê de, ji tawan û tohmetên wekî propagandaya terorê, FETO û rêxistinên din 17 gumanbar hatine binçavkirin.

Hat ragihandin ku di nav kesên hatine binçavkirin de, kesên ku dadgehan cezayê girtîgehê yên ji 5 salan heta 10 salan li ser wan sepandiye hebûn.