Li Xaneqînê terorîstên DAISê gundek dan ber topên hawanê

PeyamaKurd – Gundekî nahiya Gulale ya bajarê Xaneqînê, ji aliyê terorîstên DAIŞê ve hat topbarankirin û di encamê de komek serbaz û sivîl birîndar bûn.

Li gor zanyariyan, derengiya şeva borî terorîstên DAIŞê gundê Îslah yê nahiya Gulale ya Xaneqînê dan ber topên hawanê û di encama wê êrişê de sê sivîl û sê serbazên Iraqî birîndar bûn.

Herwiha li gor Berdevkê polîsê Diyale Nîhad Mihemed daye zanîn, îro danê sibê li nêzîkî bajarê Baqûbe jî bombek teqiya ye û sivîlek birîndar bûye.

Serokê Encumena Şaredariya bajarokê Şareban Ednan Mihemed diyar kiriye, terorîstên DAIŞê îro danê sibê çend hawan avêtin derdora Şareban, lê tiştek bi ti kesî nehat.