Macron û her sê serokatiyên Herêma Kurdistanê civiyan

PeyamaKurd - Serokê Fransayê Emmanuel Macron piştî serdana Mûsilê careke din vegeriya Hewlêrê û ji aliyê Serokê Herêma Kurdistanê Nêçîrvan Barzanî, Serokwezîr Mesrûr Barzanî û Seroka Parlamentoya Kurdistanê Rêwaz Fayeq ve hat pêşwazîkirin.

Macron bi şêwaza Fransî silav li seroka parlamentoyê kir.

Li nivîsgeha Serokatiya Herêma Kurdistanê, civîna serkomarê Fransa Emmanuel Macron û her sê serokatiyên Kurdistanê dest pê kir. 

Di civînê de Wezîrê Derve yê Fransayê Jean-Yves Le Drian jî amade ye.

Piştî vê civînê wê Macron serdana Serok Mesûd Barzanî bike û dawî le geşta xwe ya Herêma Kurdistanê bîne.