Mesrûr Barzanî spasiya pistgiriya serkirdeyên siyasî yên Iraqê kir
PeyamaKurd – Serokwezîr Mesrûr Barzanî, çend pêwendiyên telefonî bi hejmarek serkirdeyên siyasî yên Iraqê, Serokê Tevgera Hîkme, Emmar Hekîm, Serokê Îtîlafa Fetih Hadî Amîrî, Sekreterê Almîşrul El Erebî Xemîs Xencer û Sekreterê Giştî yê Partiya El Cemahîr Ehmed Ciburî re danî.
Serokwezîr Mesrûr Barzanî di wan pêwendiyên telefonî de, spasiya piştgiriya wan serkirdeyên siyasî kir ji ber derbaskirina yasaya budçeya federal û hêwî xwest derbaskirina vê yasaya, bibe pêngavek ji bo çareserkirina hemû kêşe û nakokiyekên di navbera Hikûmeta Federal û Hikûmeta Herêma Kurdistanê li ser bingeha destûrê.
Serokwezîr Mesrûr Barzanî, berê jî pêwendî bi Serokwezîrê Iraqê Mistefa Kazimî û Serokê Parlementoya Iraqê Mihemed Helbusî danî ji ber piştevaniya derbaskirina yasaya budçeya sala 2021ê û birrgeyên taybet di navbera Herêma Kurdistanê û Hikûmeta Federa a Iraqê de.