Nêçîrvan Barzanî bi Alîkara Wezîrê Karên Derve yê Amerîkayê re axivî

PeyamaKurd – Berpirseke pilebilind a Amerîkayê di pêwendiyeke bi Nêçîrvan Barzanî re da zanîn, Amerîka li ser piştevanîkirina Herêma Kurdistanê di nav Iraqeke demokratîk û yekgirtî de berdewam dibe.

Alîkara Wezîrê Karên Derve yê Amerîkayê ji bo karûbarên Rojhilata Nêzîk Barbara A. Leaf bi Serokê Herêma Kurdistanê Nêçîrvan Barzanî re axivî û tekezî li ser piştgiriya Amerîkayê ji bo Herêma Kurdistanê kir.

Barbara A. Leaf di pêwendiya telefonî de da zanîn, Amerîka di çarçoveya "Iraqeka pêşketî, demokratîk û yekgirtî" de piştevaniya Herêma Kurdistanê dike.

Herwiha Nêçîrvan Barzanî û Barbara A. Leaf di wê pêwendiya telefonî de pêşhatên herî dawîn ên rewşa siyasî ya Iraqê jî gotûbêj kirin.