Nêçîrvan Barzanî: Yekrêzî haveynê serkeftina Raperînê bû...
PeyamaKurd - Serokê Herêma Kurdistanê Nêçîrvan Barzanî, di salvegera 32yemîn a Raperîna Gelê Kurdistanê de, peyamek belav kir û ragihand: “Divê hemû pêkhate, hêz û aliyên siyasî dersa serketinê ji Raperînê werbigirin.”
Serokê Herêma Kurdistanê Nêçîrvan Barzanî, ji bo salvegera destpêka Raperînê Gelê Başûrê Kurdistanê ya Ranyayê got: “Yekrêzî hêvana serkeftina Raperînê bû ku hemû destkeftên gelê Kurdistanê di warê azadî, parlamento, hikûmet, federalî û yekkirina mafan di Destûra Iraqa Federal de bi dest xist.”
Nêçîrvan Barzanî diyar kir: “Niha jî divê gelê Kurdistanê bi hemû pêkhate, hêz û aliyên siyasî ve ji dersa serketinê ji Raperînê werbigirin. Divê yekrêzî, hevgirtin, hevpejirandin û xebata hevpar bikine havêna serkeftinê û paşerojeke baştir ji bo gelê me.”