Parlementoya Kurdistanê îro li ser ‘Roja Komkujiya Êzîdiyan’ dicive

PeyamaKurd - Parlementoya Kurdistanê li ser ragihandina “Roja Komkujiya Êzîdiyan” dicive.

Parlementoya Kurdistanê li gorî dema Hewlêrê saet 11:00an li ser wê yekê dicive ku roja 3 Tebaxê wek “Roja Komkujiya Êzîdiyan” were ragihandin. Ji ber ku parlemento di bêhnvedana havînê de ye, civîna îro awarte ye.

Tê zanîn roja 3 Tebaxa 2014an hovên DAIŞê êrişî devera Şingalê ya Başûrê Kurdistanê kiribûn.

Di encama wê êrişê de bi hezaran kurdên êzîdî hatibûn qetilkirin, bi hezaran keç û jinên êzîdî hatibûn revandin û bi deh hezaran jî koçber û derbider bibûn.