Pîrozbahiyên bo sersalê li Hewlêrê nayên lidarxistin

PeyamaKurd – Li Hewlêrê ji ber Koronayê tu rêûresm û aheng bi helkefta sersalê nayê lidarxistin û sersal nayê pîrozkirin.

Li gor Cîgirê Parêzgarê Hewlêrê Mesûd Kareş daye zanîn, bi armanca xweparastina li hember nexweşiya Koronayê û li ber çavgirtina rewşê, em wek parêzgariya Hewlêrê bo sersalê tu rêûresm û ahengê organîze nakin. Ji ber ku hîn gefa Koronayê li ser welatiyan heye.

Herwiha Cîgirê Parêzgarê Hewlêrê destnîşan kiriye, ew mohletê nadin tu kesekî din jî bi helkefta sersalê rêûresm û ahengan organîze bikin û diyar kiriye, armanca me parastina tenduristiya welatiyan e.