Qonaxa çaremîn a pevguhertina dîlgirtiyan dest pê dike: 200 kesên din tên berdan

PeyamaKurd - Hêzên Sûriya Demokratîk (HSD) û Hikumeta Demkî ya Sûriyeyê ji bo qonaxa çaremîn a pevguhertina dîlgirtiyan amadekariyan dikin.

Li gorî agahiyan, tê çaverêkirin ku di vê qonaxê de nêzî 200 girtiyên din hefteya bê têne berdan. Ev pêngav wekî berdewamiya pêvajoya ku ji meha Adarê ve dest pê kiriye tê dîtin.

Pêvajoya pevguhertinê ku di 10ê Adara 2026an de di çarçoveya peymana 31ê Çileyê de dest pê kiribû û heta niha di sê qonaxên cuda de bi sedan girtî gihandine malbatên wan.

Di qonaxa herî dawî de, ku di 11ê Nîsanê de pêk hat, 400 kesên ji aliyê hikumeta demkî ve li beramberî 91 girtiyên HSDê hatibûn serbestberdan. Bi temambûna qonaxa çaremîn re, hejmara giştî ya girtiyên ku hatine pevguhertin dê bigihîje asteke girîng.