TR KU SO
FB X
Kurdistan

Rêveber û siyasetmedarên HEVBENDÎyê hatin berdan

Admin H
Nivîskar
📅 19 mijdar 2026 09:35

PeyamaKurd - Li Diyarbakır, Ruha, Batman, Îdir, Enqere û Stenbolê di 17ê Mijdarê de di çarçoveya lêpirsîna li dijî HEVBENDÎyê de 14 siyasetmedar û rêveber hatibûn desteserkirin.

Îro piştî qedandina karûbarên îfadeyê yên li dozgeriyê, hemû hatin berdan.

Di nav kesên ku hatibûn desteserkirin de Serokê Giştî yê Partiya Sosyalîst a Kurdistanê (PSK) Bayram Bozyel, Cîgirê Serokê Giştî yê PSKê Hasan Dağtekin, rêveberê PÊLKURDê Fuat Önen û Cîgirê Serokê Giştî yê Partiya Welatparêzên Kurdistanê (PWK) Mehmet Can Azbay jî hebûn.

Serokê Giştî yê PWKê Mustafa Özçelik li ser hesabê xwe yê torên civakî agahî da û piştrast kir ku 14 siyasetmedarên Kurd bi temamî hatine berdan.

Tê zanîn ku platforma HEVBENDÎ di 9ê Mijdara 2026an de ji bo avakirina mekanîzmayeke hevbeş û yekitiya neteweyî hatibû ragihandin û mecliseke ji 51 endaman hatibû hilbijartin.

Parve bike: