Sandeya PDKê îro bi du aliyên din re dicive

PeyamaKurd –  Îro li Hewlêrê, şandeya polîtburoya PDKê bi polîtburoya Tevgera Îslamî ya Kurdistanê û Partiya Komînîst (Şûî) a Kurdistanê re dicive.

Li gor zanyariyan: ‘‘Îro 19.10.2021ê di saet 10:30an de, li bajarê Hewlêrê şandeya polîtburoya PDKê wê serdana polîtburoya Tevgera Îslamî ya Kurdistanê bike û herwiha biryar e di saet 11:30an de jî serdana polîtburoya Partiya Komînîst a Kurdistanê bike.’’

Herwiha hat zanîn, ew serdana PDKê ya ji bo aliyên siyasî yên Herêma Kurdistanê, ji bo ava kirina yekdengî û derbaskirina wan pirsgirêkên di navbera aliyan a dema bangeşeya helbijartinê ye û PDK dixwaze Kurd bi yekdeng û yekrêz biçin gel aliyên din.’’

Berî niha endamê rêveberiya PDKê Bilind Îsmaîl eşkere kiribû, PDK herçend hejmara kursiyên wê zêdetir jî be, lê di xema yekrêzî de ye û dixwaze Kurd bi yekdeng biçin Bexda.

Herwiha destnîşan kiribû, şandeya PDKê serdana hemû aliyên siyasî yên Herêma Kurdistanê dike.