Serok Barzanî bi Serokwezîrê Vatîkanê re civiya

PeyamaKurd - Serok Mesûd Barzanî îro 27ê Kanûnê li Pîrmamê bi şanda Vatîkanê ya bi seroktiya Serokwezîrê Vatîkanê Pietro Parolin re civiya.

Li gor zanyariyan mijarên civîna Serok Barzanî û Serokwezîrê Vatîkanê Pietro Parolin pêwendiyên dualî, rewşa xirîstiyanên Kurdistanê û koçberên li Kurdistanê hatine vehewandin e.

Serokwezîrê Vatîkanê Pietro Parolin bi şev gihîşt Herêma Kurdistanê û ji aliyê Wezîrê Navxwe yê Herêma Kurdistanê, Wezîrê Ewqafê yê bi wekalet, Parêzgarê Hewlêrê û hejmarek oldarên Xiristiyanî û Milsliman ve hat pêşwazîkirin.

Hat ragihandin ku dê Serokwezîrê Vatîkanê piştî civîna ligel Serok Barzanî, bi Şêwirmendê Encûmena Asayişa Herêma Kurdistanê Mesrûr Barzanî û Serokwezîrê Herêma Kurdistanê Nêçîrvan Barzanî re jî bicive. Serokwezîrê Vatîkanê sibe 28ê Kanûnê jî dê serdana Xiristiyaniyên koçber bike.