Serok Barzanî: Ji Xweda daxwaz dikim ku Remezan ji bo gelê me bibe sedema xêr û bereketê

PeyamaKurd - Serok Mesûd Barzanî bi mebesta hatina meha Remezanê pîrozbahiyê li tevaya Misilmanên Kurdistanê, Iraq û cîhanê kir.

Serok Mesûd Barzanî bi mebesta hatina meha rojiyê ya Remezanê peyameke pîrozbahiyê belav kir.

Di daxuyaniya xwe de Serok Barzanî vê peyamê da:

"Bi mebesta hatina meha pîroz a Remezanê, ez pîrozbahiyê li tevahiya Misilmanên Kurdistan, Iraq û cîhanê dikim. Ez ji Xwedayê mezin û dilovan vê daxwazê dikim ku rojî, nimêj û lavayên tevan qebûl bike û meha pîroz a Remezanê ji bo gelê me bibe sedema xêr û bereket û aramiyê."