Serokê Herêma Kurdistanê bi Wezîrê Berevaniya Îtalyayê re civiya

PeyamaKurd – Serokê Herêma Kurdistanê Nêçîrvan Barzanî, di çarçoveya Konferansa Asayîşa Munichê de, bi Wezîrê Berevaniya Îtalyayê Lorenzo Guerini re civiya.

Serokê Herêma Kurdistanê Nêçîrvan Barzanî, spasî û pêzanînên Herêma Kurdistanê ji bo piştgîrî û hevkariyên serbaziyên Îtalya di dema şerê DAIŞê de dûpat kir. Di derbarê rewşa emnî ya Iraqê jî ronahî kir ku alîkariya di navbera artêşa Iraq û Pêşmerge bi taybetî li navçeyên valahiyên emnî başe û ji ber gefên ciddî yên DAIŞê, pêwîst e Hewlêr û Bexda berdewam di alîkariyê de bin.

Herwiha Guerini dûpat kir Îtalya di piştgîrî û hevkarîkirina Herêma Kurdistanê de berdewam dibe bi taybetî ku di demeke nêzîk de welatê wan serkirdayetiya erkê NATO li Iraqê werdigre û got: “Ezmûna me ya berê li gel Pêşmerge baş û serkeftî ye û pêzanînên me ji bo rol û qurbaniyên Pêşmerge hene.”

Mijareke din a civînê jî, rewşa siyasî ya Iraqê, pêwendiyên Herêma Kurdistan û Iraqê li gel Îtalya û rûbirûbûna terorê bû.