Serokwezîrê Iraqê: Bûyerên Iraqê nakokiyên siyasî ne

PeyamaKurd – Serokwezîrê Iraqê Mistefa Kazimî do daxuyaniyek li ser xwepêşandanên alîgirên Tevgera Sedir li Bexdayê belav kir û got, bûyerên Iraqê nakokiyên siyasî ne.

Serokwezîrê Iraqê Mistefa Kazimî di daxuyaniya xwe de, bang li aliyên siyasî kir ku rewşa welatê me têbigihêjin.

Kazimî diyar kir: “Ev nakokî wê bandorek neyînî li ser aramî û lihevhatina civakî bike. Hikûmetê berjewendiyên giştî daniye pêşiya berjewendiyên taybet.”