Sêwaz | Ji ber berdewambûna berfa zêde rêyên 74 gundan hatin girtin

PeyamaKurd – Li parêzgeha Sêwazê ya Bakurê Kurdistanê, ji ber berdewambûna berfa zêde, rêyên 74 gundan hatin girtin.

Li gor Rêveberiya Îdareya Taybet a Sêwazê diyar kir, ji ber berdewambûna berfa zêde li navçeyên Qoçgirî, Qenxal, Macîran û Girînê, rêyên 74 gundan hatine girtin.

Tîmên Îdareya Taybet a Sêwazê, ji bo vekirina rêyên gundan bi 32 greyder, 22 barhilgir, 6 dozer, 7 makîneyên kar, 26 barhilgirên veguhestinê û 136 fermanberan li ser karûbarên xwe berdewam in.

Li gelek bajarên Bakurê Kurdistanê, rojên dawî berfeke zêde bariya ye û pileya germê bi şevan heta 25-30 pile dadikeve bin sifrê.