Siyasetmedarê Kurd Mehdî Zana wefat kir: Jiyana wî ya siyasî

PeyamaKurd - Siyasetmedar û rewşenbîrê Kurd, şaredarê berê yê Şaredariya Diyarbakırê Mehdî Zana di temenê xwe yê 86 saliyê de ji ber nexweşiyê îro 29ê Tebaxê li Diyarbekirê koça dawî kir.

Hat ragihandin ku Mehdî Zana çend roj berê rakiribûnnexweşxaneyê û di bin tedawiya giran de bû.

Cenazeyê Zana dê sibe 30yê Tebaxê li Diyarbakırê li Goristana Yenîkêyê bi merasîmekê bê veşartin.

Jiyana Mehdî Zana

Mehdî Zana di sala 1940î de li navçeya Farqînê ya Diyarbakırê hatibû dinê û di temenê xwe yê ciwanî de tevlî xebatên siyasî û civakî bûbû.

Zana yê ku di nava Partiya Karkerên Tirkiyeyê (TİP) û Komeleyên Rojava yên Çandê (DDKO) de rolên girîng lîstibû, di hilbijartinên sala 1977an de wekî berbijêrê serbixwe bûbû Şaredarê Diyarbakırê.

Piştî derbeya 12ê Îlonê hatibû girtin û di seranserê jiyana xwe de nêzî 16 salan di girtîgehê de mabû.

Zana ku piştî girtîgehê salên dirêj li Ewrûpayê jiya cara yekem di 2004an de vegeriya welat. Zana hetwiha hevjînê siyasetmedara Kurd Leyla Zana bû.