SOHR: Tirkiyê û komên çekdar li pêsberî Hesekê rahenana leskerî kirin

PeyamaKurd - Çavdêriya Mafên Mirovan li Sûriyê (SOHR) ragihand ku artêşa Tirkiyê û komên çekdarên piştevaniya wan dike, li xetên pêşberî bajarê Hesekê yên bajaroka Serêkaniyê ku hatiye dagirkirin, rahênanên leşkerî kirin.

Li gorî SOHRê, artêşa Tirkiye û komên çekdarên opozîsyona Sûriyê yên piştevaniya wan dike, li herêmên navborî bi çekên sivik û giran tetbîqata leşkerî li dar xistin.

Herwiha hatiye diyarkirin ku HTŞ jî hîn li herêma Efrînê ye û li gundewarên Efrînê jî piştî pevçûnên dijwar ên komên çekdar bi HTŞê re aramiyeke bi guman heye.

SOHRê herwiha daye zanîn ku vê sibehê jî artêşa Tirkiyê hezeke teqwîye şandiye herêmê.