Sores Îsmaîl: “Eger Pêsmerge li deverên Kurdistanî bûna wê ISID nevejiya”

PeyamaKurd – Wezîrê Pêşmerge yê Herêma Kurdistanê Şoreş Îsmaîl bi cîgirê serokê Parlementoya Iraqê Beşîr Heddad re civîneka çapemeniyê lidar xist û got:

“Dema hêzên Pêşmerge li deverên Kurdistanî yên derveyê rêvebiriya Herêma Kurdistanê de bûn, İŞİDê têkbiribûn û Pêşmerge asayîşa wan deveran temîn kiribûn.”

Wezîr ragihand ku piştî li wan deveran Pêşmerge neman, İŞİD car din ji nûh de vejiya û seha ku niha tê de tevdigerin sehayekî fireye. Şoreş Îsmaîl weha dewam kir:

“Eger Pêşmerge li wan deveran bûna, îro ne İŞİD dima ne arîşeyên siyasî û civakî diman. İŞİD ji nuh de nediket nava tevgerê. Weka îro çawa Erebkirdinê dikin, wê pêvajoya Erebkirdinê nebûna. Piştî Pêşmerge vekişiyan nema qanûn hatin bicîhanîn.”