Şoreş Îsmaîl: Ji sedî 95ê hêzên Pêşerge hatin yekxistin

PeyamaKurd - Wezîrê Karên Pêşmerge Şoreş Îsmayîl ragihand ku piroseya reformê ya di nav Wezareta Pêşmerge de bi rêjeya ji sedî 95 bi dawî bûye û gihan wekî qonaxa fînalî ya ji nû ve birêxistin kirin û yekxistina hemû hêzan.

Di bin çavdêriya Hêzên Koalîsyona Navdewletî de, Fermandariyên Hêzên Pêşmerge yên Herêma 1emîn û 2emîn bi awayekî fermî hatin yekxistin û bi vê helkeftê rahênaneke leşkerî ya hevpar hat lidarxistin.

Di merasîma "Piroseya Biryardana Serbazî" de ku ji bo efserên her du herêman hatibû amadekirin, Şoreş Îsmayîl destnîşan kir ku ev yekbûn gavekê mezin û dîrokî ye ber bi avakirina Artêşa Niştimanî ya Kurdistanê.

Taybetmendî û hûrgiliyên artêşa nû ya pêşmerge

Wezîrê Pêşmerge di daxuyaniya xwe de bal kişand ser binesaziya nû ya serbazî û stratejiya wezaretê.

Di bin sîwana wezaretê de 2 herêmên serbazî û 11 tûmen hatin avakirin. Ev pêngav wekî bingeha artêşeke modern û sîstematîk tê qebûlkirin.

Şoreş Îsmayîl tekez kir ku "Pêşmerge ne tenê hêzeke çekdar a demkî ye, belkî nasnameya neteweyî ya Kurdan e." Wî bi bîr xist ku Pêşmerge di şerê dijî DAIŞê de ne tenê Kurdistan, belkî mirovahî jî parast.

Bihêzkirina şiyana leşkerî ya Pêşmerge bi rêya teknolojiyên nûjen û hevkariya ligel Hevpeymanan, stratejiya sereke ya wezaretê ye.

Rêkeftina 4 salî ya ligel Pentagonê di îlonê de bi dawî dibe

Wezîrê Pêşmerge agahiyeke giring a derbarê peymana serbazî ya ligel Amerîkayê de parve kir:

Rêkeftina sêwirî ya 4 salî ya ku di navbera Wezareta Pêşmerge û Wezareta Bergiriyê ya Amerîkayê de hatibû îmzakirin, di îlona îsal (2026) de bi dawî dibe. Wezaretê dest bi hewldan û danûstandinan kiriye daku piştgiriya serbazî û darayî ya koalîsyonê di qonaxa nû de jî berdewam bike.