Tenduristiya Hewlêrê: Navendên derzîkirinê wê di sersalê de jî vekirî bimînin

PeyamaKurd – Rêveberiya Giştî ya Tenduristiya Hewlêrê diyar kir, navendên derzîkirina li dijî vîrûsa Koronayê, wê di cejnên sersalê de jî vekirî bimînin.

Tenduristiya Hewlêrê di daxuyaniyekê de destnîşan kir: “Ji bo xizmetkirina welatiyên xwe û bêparnebûna wan ji derziyan, tîmên me wê di cejnên sersalê de xebatên xwe li navendên derzîkirinê bidomînin.”

Herwiha da zanîn: “Rêveberiya Tendirustiyê ya Hewlêrê welatî agahdar kirine ku di rojên cejnên sersalê de proseya derzîkirinê wê li navendên tenduristiyê berdewam be û yên bixwazin jî dikarin derziyê werbigrin.”

Rêveberiya Tendirustiyê ya Hewlêrê bang li welatiyan kir, li gel girtina tedbîrên xweparastinê, serdana navendên derzîkirinê jî bikin.