Tirkiyê ji ber 'Referandûma Serxwebûnê' qedexe daniye ser Mûna Qehwecî

PeyamaKurd - Parlementoya Kurdistanê li ser nûçeyên medyayê yên li Tirkiyê qedexekirina serdana Seroka Partiya Çaksaziya Turkmenî û Sekretera Parlamentoya Kurdistanê Mûna Qehwecî daxuyanî da.

Serokatiya Parlamentoya Kurdistanê da xuyakirin ku  Muna Qehwecî ji ber ku endama Encûmena Bilind a Referandumê bû, Tirkiyê qedexeya geştê daniye ser.

Di daxuyaniya parlamentoyê de wiha hat gotin:

“Qedexekirina serdana Sekretera Parlementoya Kurdistanê Muna Qehwecî (bo Tirkiyê) peywendiya wê bi dema encamdana referandumê ve heye ku Endama Encûmena Bilind a Referandumê bûye.” 

Di nûçeyeke medyayê de hatibû gotin ku êdî Tirkmen li Herêma Kurdistanê Muna Qehwecî weke nûnera xwe nabînin.

Muna Qehwecî wek berbijêra fraksiyonên Tirkmenî, bi dengê 59 parlementeran di rûniştina yekem a xula pêncem a Parlementoya Kurdistanê de (18/02/2019) li ser pişka pêkhateya Tirkmen wek sekretera parlamentoyê hatibû hilbijartin.