Zanîngeha McGill wê perwerdeya çandinî û bikaranîna esrarê bide

PeyamaKurd – Zanîngeha McGill a li bajarê Montreal ê welatê Kanadayê wê meha Hezîrana 2020an dest bi perwerdeya çandinî û bikaranîna esrarê bike.

Hikûmeta federalî ya Kanadayê di çarçoveya qanûnan de, çandinî û bikaranîna esrarê serbest berdabû ku ew yasa 17ê Cotmeha 2018an ketibû meriyetê.

Cara yekem zanîngehek perwerdeya çandinî û bikaranîna esrarê dide ku wek3i madeyeke hişbir tê zanîn.

Zanîngeha McGill meha Hezîranê dest bi perwerdê dike û kesên di wê beşê de perwerdeyê bistînin wê dîplomeya pisporiya çandinî û bikaranîna esrarê bistînin.

Li gorî rojnameya Montreal Gazette wê navê beşê jî ‘Dîplomeya Bernameya Bazirganiya Esrarê’ be.