JP Morgan: Em êdî nizanin şerê Îranê dê bandoreke çawa li ser petrolê bike

PeyamaKurd - Bankeya darayî ya cîhanî JP Morgan ragihand ku ji destpêka şerê DYA û Îsraîlê yê li dijî Îranê ve cara ewil e ew nikarin ji bo bazarên petrolê xwedî senaryoyeke bingehîn a zelal bin.

Analîstên bankeyê diyar kirin ku ew nizanin dê encama şer çawa têşe bigire û tevî ku gelek sînorên aborî derbas bûne jî ti stratejiyeke derketinê ya diyar nîne.

Bihayê benzîn û dîzelê gihîşt asta herî bilind a dîrokê

Di nûçeyê de hat destnîşankirin ku bihayê petrola Brent derketiye ser 100 dolarî û bihayê benzîn û dîzelê gihîştiye astên herî bilind ên dîrokî.

Lê belê bankayê da xuyakirin ku tevî qutbûna mezin a li ser peydabûnê jî, ji ber ku hikûmet û xerîdar ji stokên xwe kêmtir sûd wergirtine û daxwaza gerdûnî kêm bûye, bihayên petrolê wekî ku dihat payîn zêde tund bilind nebûne.

Bihayê petrolê wê hîn zêdetir bibe

JP Morgan hişyarî da ku eger qutbûna peydabûnê ya li Rojhilata Navîn berdewam bike, dibe ku di rojên pêş de stok hîn bêhtir kêm bibin û bihayê petrolê zêdetir bilind bibe.