3yemîn Fuara Pirtûkan a Wanê deriyên xwe ji xwîneran re vekir

PeyamaKurd – 3yemîn Fuara Pirtûkan a Wanê, li Navenda Kongre û Pêşangehan bo cara sêyan deriyên xwe ji pirtûkhezan re vekir.

Îsal 51 nivîskar û 120 weşanxane tevlî fuarê dibin û di çarçoveya organîzasyonê de, rojên îmzayê û hin konferans jî dê werin li dar xistin.

Weşanxaneyên Kurdî yên bi navê Nûbihar, Sîtav û Lorya jî di pêşangehê de cihê xwe girtine.

Sala par 250 hezar kesan serdana pêşangeha pirtûkan kiribûn û tê pêşbînîkirin ku îsal 500 hezar kes serdana pêşangeha pirtûkan a Wanê bikin.

Hêjayî gotinê ye ku pêşangeh dê heya 22yê Berfanbarê vekirî bimîne û li benda xwîneran be.