Abdullah Ocalan li Îmraliyê derbasî mala xwe ya nû bû

PeyamaKurd - Endamê Şandeya Îmraliyê ya DEM Partîyê Mîthat Sancar ragihand ku ji bo derbaskirina astengiyên li pêş pêvajoyê divê Şandeya Aştî û Siyasîbûnê biçe Îmralîyê û got, Abdullah Ocalan jî derbasî mala ku li Îmraliyê jê re hatiye avakirin bûye.

Sancar diyar kir ku kordînasyona Abdullah Ocalan ji bo pêşveçûna pêvajoyê girîng e û banga guherîna helwesta dewletê kir da ku ev guvaş û rawestîna pêvajoyê bi dawî bibe.

Mîthat Sancar ragihand ku Abdullah Ocalan derbasî cihê nû yê ku li zindana Îmralîyê ji bo wî hatibû çêkirin bûye û qebûlkirina wî ya ji bo vê veguhastinê lezbûna pêvajoyê pêwîst dike.

Sancar îdia kir ku armanca Ocalan yekirina Kurdan e wekî kirdeyeke siyasî û got ku pêngava bingehîn a ku dê girêka heyî veke helwest û rola wî ye.