Agir bi keştiya rêwiyan ket û 115 rêwî xwe avêtin nav behrê

PeyamaKurd – Li Tirkiyê li bajarê Muğlayê li navça Fethiye li ser behrê, di tekneya geştiyariyê de şewat destpêkir. Di teknê de 115 kes hebûn û di nava wan de zarok jî hebûn.

Temamê rêwiyan êlekên can yên ku nahêlin mirov noqê bin avê bibe, li xwe kirin û xwe avêtin nava ava deryayê. Ji bo tehliya wan tîmên ewlehiya peravên avê çûn ciyê rûdanê.

Li gor agahiyên niha; di rûdanê de kes nemiriye an birîndar nebûye. Rûdan seet li dora 11.00an de qewimiye û li Koya Katrancı çêbûye. Hat gotin ku şewat di beşa metbexa tekna bi navê “Toys Boat” de, bi sedemekî nehat zanîn derketiye.

Li ser sedema destpêkirina şewatê, xebatên teknîkî dewam dikin.