Agirbesta di navbera Îsraîl û Lubnanê de ket meriyetê

PeyamaKurd - Agirbesta demkî ya 10 rojî ku ji aliyê Serokê Amerîkayê Donald Trump ve di navbera Îsraîl û Lubnanê de hatibû ragihandin, ketiye meriyetê.

Agirbest ku ji bo 10 rojan derbasdar e, li Lubnanê saet di 00:00 de bi dema herêmî dest pê kir.

Li gorî raporek ajansa nûçeyan a fermî ya Lubnanê NNA, tevî ku agirbest di nîvê şevê de bi dema Beyrût û Tel Avîvê ket meriyetê, Îsraîl bombebarankirina du bajarokên li başûrê Lubnanê berdewam kir.

Di nûçeyê de ku demek kurt piştî destpêkirina agirbestê hat weşandin, wiha hat gotin: "Piştî ketina meriyetê ya agirbestê, bombebarana dijmin (Îsraîl) ya bajarokên el-Hiyam û Dibbin berdewam dike."

Di raporê de herwiha hat gotin: "Li bajarokê Raşeya û li çiyayên rojava (başûr-rojhilat) ên Çiyayê Hermon çalakiya dronên dijwar heye."

Heta niha derbarê encamên bombebaranê de, tevî zirara madî an qurbaniyan, tu hûrgilî nehatine parvekirin.