Ajansa nîv fermî ya Îranê: 41 leşkerên Amerîkî hatin kuştin

PeyamaKurd – Li gorî agahiyên ku ajansa nîv-fermî ya Îranê Tesnîmê belav kirine, di encama êrîşên asmanî û mûşekî yên Amerîka û Îsraîlê de ku qereqolên sînorî hedef girtine, 41 leşkerên Amerîkî hatine kuştin.

Ev zanyarî nîşan dide ku pevçûnên li ser sînor gihîştine asteke pir dijwar û her du alî jî berdêlên giran didin.

555 kes li Îranê mirine 

Heyva Sor a Îranê di daxuyaniyekl ragihand ku ji destpêka operasyonê û vir ve, di encama bombebaranên giran ên li ser bajaran de, 555 kesan jiyana xwe ji dest dane.

Kuştina kesên payebilind hat piştrastkirin 

Nûçeyên dawî tekez dikin ku di êrîşên 28ê Sibatê de, Rêberê Bilind ê Îranê Ayetullah Elî Xamineyî û gelek berpirsên payebilind ên leşkerî û siyasî hatine kuştin. Vê yekê valahiyeke mezin a desthilatdariyê li Tehranê çêkiriye û dibe ku sedema sereke ya bersivdayîna tund a Îranê ya li seranserê herêmê (Qeter, Îmarat, Behrêyn û Îsraîl) be.

Rejîma Tehranê piştî kuştina serkirdeyên xwe, bi mûşekên balîstîk êrîşî baregehên Amerîkî yên li welatên Kendavê kir. Ev bersivdayîn bû sedem ku şer ji sînorên Îranê derkeve û bibe şerekî herêmî yê ku asmanê tevahiya Rojhilata Navîn girtiye.