Amerîka û Fransa dixwazin peymaneke nû bi Îranê re çêbikin!

PeyamaKurd- Serokê Amerîkayê Donald Trump û Serokomarê Fransayê Emmanuel Macron li hev hatin ku bi Îranê re ji bo peymaneke nû ya nukler bixebitin.

Trump û Macron dixwazin ku bi vê peymana nû hem programên nukler yên Îranê têxin bi qontrolê de û hem jî bandora Îranê li herêmê kêmtir bikin.

Piştî ku Trump û Macron li Qesra Spî hevdû dîtin, ji çapemeniyê axivîn.

Trump peymana ku bi Îranê re hatibû çêkirin rexne kir û got ku heke şertên me neyên cih, em ê di 12ê Gulanê de peymanê betal bikin.

Macron jî got divê peymaneke nû were çêkirin û lazim e Rûsya û Tirkiye jî tevlî pêvajoyê bibin.