Amerîkayê li nêzî baregehên mûşekî yên Îranê mayînên dij-tank bi cih kirin

PeyamaKurd - Li gorî nûçeyeke rojnameya Washington Postê, Dewletên Yekbûyî yên Amerîkayê (DYA) li gundewarên bajarê Şîrazê yê Îranê, bi rêya balafiran mayînên pêşkeftî yên dij-tank belav kirine.

Hat ragihandin ku ev mayînên cureyê BLU-91/B bi pergala taybet a "Gator" hatine avêtin da ku rê li ber tevgera mûşekên balîstîk ên mobîl ên Îranê bigirin.

Li aliyê din, ajansa nûçeyan a dewleta Îranê IRNAyê îdia kir ku ev mayîn wekî "tenekeyên tona konservekirî" hatine kamûflajkirin û di encama teqîna wan de kesek miriye.

Rayedarên rejîma Îranî hişyarî da welatiyan ku dest nedin tiştên metalî yên gumanbar. Pisporên leşkerî diyar dikin ku ev sîstema "Gator" tenê di destê artêşa Amerîkayê de heye.