Amerîkayê xwest welatiyên wê demildest terka Rûsyayê bidin

PeyamaKurd - Balyozxaneya Amerîkayê ya li Rûsyayê piştî mirina gumanbar a xebatkareke laboratuarê li herêma Sîbiryayê û fikarên derbarê belavbûna nexweşiyan de, hişyariya xwe ya geştê nû kir.

Balyozxaneyê ragihand ku Hişyariya Geştê ya Asta 4an a Wezareta Derve ya Amerîkayê ya ji bo Rûsyayê (Nerînî Geştê / Neçe) bi bandor e û daxwaz ji hemwelatiyên xwe kir ku demildest ji wî welatî derkevin.

Di daxuyaniyê de her wiha hate bibîrxistin ku ji ber xetereyên ewlehiyê, girtinên bêsûc û metirsiyên tenduristiyê, divê kes serdana Rûsyayê neke.

Li aliyê din rayedarên Rûsyayê diyar kirine ku piştî testa li ser xebatkara laboratuarê ya li Îrkutskê tu nîşanên nexweşiyeke vegirrtî di kesên din de nehatine dîtin û rewş di bin kontrolê de ye.